പഞ്ചധാന്യ പായസം (Five Grain Kheer)

By : മലയാള പാചകം | 1 Comment | On : December 28, 2016 | Category : Uncategorized

പഞ്ചധാന്യ പായസം
തയ്യാറാക്കിയത്:- ദേവകി അനിൽകുമാർ

( അരി ,വൻപയർ, ചെറുപയർ, കടല, ഗോതമ്പ്,)
ഉണക്കലരി -1/2 കപ്പ് ക്രഷ് ചെയ്തത്
വൻപയർ – 1/2 കപ്പ്
ചെറുപയർ – 1/2 കപ്പ്
കടല പരിപ്പ് – 1/2 കപ്പ്
ഗോതമ്പു നുറുക്ക് – 1/2 കപ്പ്
ശർക്കര – 1/2 കിലോ (പാനിയാക്കി വയ്ക്കുക )
തേങ്ങാപ്പാൽ – രണ്ടാം പാൽ – 3 വലിയ കപ്പ്
ഒന്നാം പാൽ – ഒരു കപ്പ്
നെയ്യ് – ഒരു ടേബിൾ സ്പൂൺ
തേങ്ങ ചെറുതായി അരിഞ്ഞത് – 3 tbട
അണ്ടിപരിപ്പ് – 10
ചുക്കുപൊടി – 1/2 tsp
ഏലയ്ക്കാപൊടി_ 1/2 tsp
വൻപയറും ,ചെറുപയറും വറുത്ത് 8 മണിക്കൂർ കുതിർത്തെടുക്കുക.
കടല പരിപ്പും – 8 മണിക്കൂർ കുതിർക്കുക.
വൻ പയറും, ചെറുപയറും കുക്കറിൽ വേവിച്ചെടുക്കുക.
ഉരുളിയിൽ കടല പരിപ്പ്, ഗോതമ്പു നറുക്ക്, ഉണക്കലരി ഇവ മൂന്നും ഒന്നിച്ച് വേവിക്കുക. നന്നായിവെന്തു വരുമ്പോൾ രണ്ടു പയറു വേവിച്ചതും ചേർത്തിളക്കി അതിലേക്ക് ശർക്കര പാനി ചേർത്ത് 5 മിനിട്ട് തിളപ്പിച്ച് രണ്ടാം പാൽ ചേർക്കുക. അത് നന്നായി കുറുകി വരുമ്പോൾ ഒന്നാം പാൽ ചേർത്ത് ചുക്കുപൊടിയും ഏലയ്ക്കാപ്പൊടിയും ചേർത്ത് വാങ്ങി, തേങ്ങ, അണ്ടിപരിപ്പ് നെയ്യിൽ വറുത്തിടുക ‘.

ഫേസ്ബുക്ക് പേജ് പോസ്റ്റ്‌ വായിക്കുക