ഇല അട(Ada In Plantain Leaf)

Step 1

അരിപൊടി ,( ഗോതമ്പ്പൊടി) പാകത്തിനു ഉപ്പ്, 1/4 റ്റീസ്പൂൺ ജീരകം ഇവ ചേർത് മിക്സ് ചെയ്ത് ചെറു ചൂടു വെള്ളത്തിൽ ഇടിയപ്പമാവിനെക്കാളും കുറച്ച് ലൂസ് ആക്കി കുഴച്ച് എടുക്കുക.ഗോതമ്പ് പൊടി യാണെൽ ചൂടു വെള്ളം അല്ലെങ്കിലും സാരില്ല,ചപ്പാത്തിക്കു കുഴക്കുന്നതിനെക്കാൾ ലൂസ് ആയിട്ട് കുഴക്കണം.മാവു ഒരു നനഞ തുണി വച്ച് മൂടി മാറ്റി വക്കാം.ചൂടു വെള്ളതിൽ കുഴക്കുന്നതും, നനഞ തുണി വച്ച് മൂടി വക്കുന്നതും മാവു നല്ല സോഫ്റ്റ് ആക്കും.

Step 2

പാൻ ചൂടാക്കി ശർക്കര ഉരുക്കുക.വളരെ കുറച്ച് വെള്ളം ചേർക്കാം.ശെഷം അത് അരിച്ച് എടുക്കുക

Step 3

വീണ്ടും പാൻ ചൂടാക്കി ഉരുക്കിയ ശർക്കര ചേർത്ത് ചൂടാക്കുക.കുറുകി വരുമ്പോൾ തേങ്ങ ചിരകിയത്,നെയ്യ്, ഏലക്കാപൊടി, ബാക്കി ജീരകം,പഴം ചേർക്കുന്നുണ്ടെങ്കിൽ അത് ചെറുതായി അരിഞത് ഇവ ചേർത്ത് നന്നായി ഇളക്കി വഴറ്റുക.

Step 4

നന്നായി കുറുകി, വെള്ളം വലിഞ പരുവം ആകുമ്പോൾ തീ ഓഫ് ചെയ്യാം.ഇതാണു അടയുടെ ഫില്ലിംഗ്

Step 5

വാഴയില കഴുകി തുടച്ച് കീറി വക്കുക.

Step 6

ഒരൊ വാഴയില കഷണങ്ങൾ എടുത് കുറച്ച് വെള്ളം തടവി, കുറെശെ മാവു എടുത് ഇലയിൽ വച്ച് കൈ കൊണ്ട് ചെറുതായി പരത്തി, തയ്യാറാക്കി വച്ചിരിക്കുന്ന കുറച്ച് ഫില്ലിംഗ് വച്ച് ഇല മടക്കുക.

Step 7

എല്ലാ ഇലയിലും ഇങ്ങനെ ചെയ്തെടുക്കുക.

Step 8

ഇഡ്ഡലി പാത്രത്തിലൊ ,അപ്പ ചെമ്പിലൊ വച്ച് 30 മിനുറ്റ് ആവി കേറ്റി ( അടയുടെ എണ്ണം കൂടുതലൊ, കുറവൊ ആണെങ്കിൽ സമയവും അതിനനുസരിച്ച് വ്യത്യാസം വരും) അട വേവിച്ച് എടുക്കുക

Step 9

നമ്മുടെ നാടൻ പലഹാരമായ രുചികരമായ, ആരൊഗ്യകരമായ ഇല അട തയ്യാർ. ഉണ്ടാക്കി നോക്കണെ....