മത്തി പുളി (Sardine Tamarind Masala)

By : മലയാള പാചകം | 19 Comments | On : November 20, 2016 | Category : Uncategorized

മത്തി പുളി :-

തയ്യാറാക്കിയത്:- സോണിയ അലി

വലിയ മത്തി -5 എണ്ണം
മുളകുപൊടി -1 ടേബിള്‍ സ്പൂണ്‍ (എരിവനുസരിച്ച്‌ കൂട്ടുകയോ കുറയ്ക്കുകയോ ചെയ്യാം )
മഞ്ഞള്‍പൊടി -1/4 ടീസ്പൂണ്‍
മല്ലിപ്പൊടി -1/2 ടീസ്പൂണ്‍
കുരുമുളക് -10 എണ്ണം
പെരുംജീരകം – 1 ടീസ്പൂണ്‍
ചുവന്നുള്ളി -10 എണ്ണം
വെളുത്തുള്ളി -6 അല്ലി
ഇഞ്ചി – 1 ചെറിയ കഷ്ണം
കറി വേപ്പില -1കതിര്‍പ്പ്
ഉപ്പ്‌ -പാകത്തിന്
പച്ചപുളി /വാളന്‍പുളി – അവരവരുടെ രുചിക്ക്

വെളിച്ചെണ്ണ /ഓയില്‍ – 2 ടീസ്പൂണ്‍
ഉണ്ടാക്കുന്ന വിധം

2 മുതല്‍ 11 വരെയുള്ള ചേരുവകള്‍
അരച്ച് വെക്കുക.

ഇത് വൃത്തിയാക്കി ,കഴുകി,വരഞ്ഞ മീനിലേക്കു നന്നായി ചേര്‍ത്ത് പിടിപ്പിച്ചു മന്ച്ചട്ടിയില്‍ അല്പം എണ്ണ പുരട്ടി മസാല പുരട്ടി വെച്ച മീന്‍ നിരത്തി വെച്ച് അല്പം കൂടി പുളി വെള്ളം ഒഴിച്ച് വേവിക്കുക (ചെറിയ തീയില്‍ ).

ഇടയ്ക്കിടെ മീനിലെ വെള്ളം നോക്കുക.തിരിച്ചും മറിച്ചുമിട്ടു മീന്‍ വേകുന്നിടം വരെ ചെറു തീയില്‍ വേവിക്കുക.

10 – 12 മിനുറ്റിനു ശേഷം മൂടിതുറന്നു അരപ്പ്,മീനില്‍ പിടിച്ചു കഴിഞ്ഞാല്‍ കറി വേപ്പില ,കുരുമുളക് 4 ചതച്ചത് ,വെളിച്ചെണ്ണ എന്നിവ ഒഴിച്ച് ഇറക്കി വെക്കാം .

ഗ്രേവി അല്പം വേണമെന്നുള്ളവര്‍ക്ക്‌ പുളി വെള്ളം അല്പം കൂടി ഒഴിച്ച് വറ്റിക്കാതെ എടുക്കാം.

ചോറ് ,പുട്ട് ,എന്നിവയുടെ കൂടെ കഴിക്കാവുന്നതാണ്.

ഫേസ്ബുക്ക് പേജ് പോസ്റ്റ്‌ വായിക്കുക