ചെറുപരിപ്പ് പ്രഥമൻ (Cheruparipp Pradhaman)

By : മലയാള പാചകം | 6 Comments | On : December 15, 2016 | Category : ഫേസ്ബുക്ക് പോസ്റ്റുകള്‍

ചെറുപരിപ്പ് പ്രഥമൻ

തയ്യാറാക്കിയത്:- സോണിയ അലി

ചേരുവകൾ

1 ചെറുപരിപ്പ് – 1/4 കപ്പ്
2 ശർക്കര – 3/4 കിലോ
3 വെള്ളം – 3 കപ്പ്
4 ചൗവരി (വേവിച്ചത്) – 50 ഗ്രാം
5 തേങ്ങാപ്പാൽ (മൂന്നാം പാൽ) – 2 1/2 കപ്പ്
6 തേങ്ങാപ്പാൽ (രണ്ടാം പാൽ) – 2 കപ്പ്
7 തേങ്ങാപ്പാൽ (ഒന്നാം പാൽ) – 1 കപ്പ്
8 ഏലക്കാപ്പൊടി – 3/4 ടീസ്പൂൺ
9 അണ്ടിപ്പരിപ്പ് – 25 ഗ്രാം
10 കിസ്മിസ് – 25 ഗ്രാം
11 നെയ്യ് – 100 ഗ്രാം

പാകം ചെയ്യുന്ന വിധം
1-ചെറുപ്പരിപ്പ് ഒരു ചീനച്ചട്ടിയിൽ ചെറുതായി ഒന്ന് വറുത്തു മാറ്റുക (നിറം മാറരുത്).

2-ഈ വറുത്ത പരിപ്പിൽ 2 1/2 കപ്പ് വെള്ളം ഒഴിച്ച് വേവിച്ചു വറ്റിച്ചെടുക്കുക (കുക്കർ ഉപയോഗിച് വേണമെങ്കിലും വേവിക്കാം).

3- 3/4 കിലോഗ്രാം ശർക്കര ചീകിയതിൽ 1/2 കപ്പ് വെള്ളം ഒഴിച്ച് ഉരുക്കി അരിച്ചുവയ്കുക.

4-ഒരു ഉരുളിയിൽ വേവിച്ച പരിപ്പും ശർക്കരപാനിയും ഒന്നിച്ചാക്കി ഇളക്കി തിളപ്പിക്കുക.

തിള വന്നശേഷം ഇളക്കി ഇളക്കി വരട്ടുക.

വെള്ളം വറ്റി വരണ്ടു തുടങ്ങുമ്പോൾ വേവിച്ച ചൗവരി ചേർത്ത് വീണ്ടും വഴറ്റുക.

ഇനി പകുതി നെയ്യ് കുറശ്ശേ ഇടയ്ക്കു ഒഴിച്ച് കൊടുക്കുക.

5-ചേരുവകൾ വരണ്ടുകഴിഞ്ഞാൽ മൂന്നാം പാൽ ഒഴിച്ച് നന്നായി ഇളക്കി യോജിപ്പിച് തിളപ്പിക്കുക.

6-പായസം കുറുകി തുടങ്ങുമ്പോൾ രണ്ടാം പാൽ ചേർത്ത് വീണ്ടും തിളപ്പിക്കുക.

7-വീണ്ടും പായസം കുറുകിക്കഴിയുമ്പോൾ ഒന്നാംപ്പാലും , ഏലയ്ക്കാപ്പൊടിയും ചേർത്തിളക്കി ഒരു തിള വന്നു തുടങ്ങുമ്പോൾ അടുപ്പിൽ നിന്നും മാറ്റുക.

8-ബാക്കി നെയ്യ് ചൂടാക്കി അണ്ടിപ്പരിപ്പും, കിസ്മിസും മൂപ്പിച്ചു പ്രഥമന്റെ മുകളിൽ ഒഴിക്കുക.

ഫേസ്ബുക്ക് പേജ് പോസ്റ്റ്‌ വായിക്കുക