കപ്പ കടല കൂട്ട്കറി (Kappa Kadala Koottu Curry)
കപ്പ കടല കൂട്ട്കറി
ഈസ്റ്റേൺ മലയാള പാചകം ഓണക്കലവറ 2016 പാചക മത്സരം
മത്സരാർത്ഥി:-സിയാ ഷാനി
കൂട്ട് കറി ഇല്ലാതെ ഓണ സദ്യ ഇല്ല. ചേനയും കടലയും ഇട്ടാണ് സാധാരണ നമ്മൾ കൂട്ട് കറി വെക്കുക. പക്ഷേ ഈ ഓണകാലത്ത് നമുക്ക് പുതിയ രുചി കൂട്ടു കറിയിൽ പരീക്ഷിച്ച് നോക്കാം.
ഇതിനു വേണ്ട ചേരുവകൾ നോക്കാം
1. കടല – ഒരു കപ്പ്
2 . കപ്പ – രണ്ടു കപ്പ് കഷ്ണങ്ങൾ ആകിയത്
3 .ഉപ്പ് – പാകത്തിന്
4 . തേങ്ങ – ഒരു വലുത് ചുരണ്ടിയത്.
5 . മുളക് പൊടി – ഒരു വലിയ സ്പൂൺ.
6 .മഞ്ഞൾ പൊടി – ഒരു ചെറിയ സ്പൂൺ.
7 . പച്ച മുളക് – ഒരു എണ്ണം
8 .വെളുത്തുള്ളി – നാല് അല്ലി
9 . ചെറിയ ജീരകം – ഒരു ചെറിയ സ്പൂൺ
10 . വലിയ ജീരകം – ഒരു ചെറിയ സ്പൂൺ .
താളിക്കാൻ ഉള്ള ചേരുവകൾ
1 . വെളിച്ചെണ്ണ – ഒരു വലിയ സ്പൂൺ
2 .കടുക് – ഒരു ചെറിയ സ്പൂൺ
3 . വറ്റൽ മുളക് – രണ്ട് എണ്ണം
4 . കുരുമുളക് – ഒരു ചെറിയ സ്പൂൺ
5 . കറിവേപ്പില – ഒരു പിടി
6 . തേങ്ങ – ചുരണ്ടിവെച്ചതിൻറ പകുതി.
പാകം ചെയ്യുന്ന വിധം
കടല തലേ ദിവസം കുതിർത്ത് വെക്കുക. കുക്കറിൽ കടല ഉപ്പിട്ട് വേവികുക . കപ്പയും ഉപ്പിട്ട് വേവിച്ച ഊറ്റി വെക്കുക.
ചുരണ്ടിയ തേങ്ങയിൽ അര മുറി തേങ്ങ, മുളക് പൊടി, മഞ്ഞൾ പൊടി, ജിരകം, പച്ച മുളക് , വെളുത്തുള്ളി ഇവകൾ മിക്സിയിൽ തരുതരുപ്പായി അരക്കുക .
ഒരു പാത്രത്തിൽ വേവിച്ച കടല ,കപ്പ ,അരച്ച് വെച്ച തേങ്ങക്കുട്ട് ഇവ നല്ല വണ്ണം ഇളക്കിയോചിപ്പിച്ച് നല്ലത് പോലെ ചുടാക്കുക .തേങ്ങക്കുട്ടിൻറ പച്ച ചുവ മാറുന്നത് വരെ ചെറിയ തീയിൽ വേവിക്കുക .
ചീന ച്ചട്ടി ചൂടായാൽ എടുത്തു എണ്ണ ഒഴിച്ച് താളിക്കാൻ ഉള്ള ചേരുവകൾ എല്ലാം വറുത്ത് വെന്ത കപ്പ കടല കൂട്ടിൽ ചേർത്ത് വാങ്ങി വെക്കുക.
തേങ്ങ ചുവക്കെ വറുത്തിടാൻ പ്രത്യേകം ശ്രദ്ധിക്കണം . ചുവക്കെ വറുത്തിടുന്ന തേങ്ങയാണ് കൂട്ട് കറിക്ക് സ്വാദ് കൂട്ടുന്നത്.
(EMPOK #15)
posted by Rajeesh K Sivan on September 2, 2016
Koottu curry polichu… 🙂
posted by Najeeba Zainudheen on September 2, 2016
Adipoli
posted by Safeeramuhammed Mc on September 2, 2016
Like you racippe
posted by Fathima Fathi on September 2, 2016
nice