ചിക്കൻ കബ്സ (Chicken Kabsa)

By : മലയാള പാചകം | 3 Comments | On : March 31, 2017 | Category : Uncategorized

ചിക്കൻ കബ്സ(CHICKEN KABSA )

തയ്യാറാക്കിയത്: ബിജിലി മനോജ്

ചേരുവകൾ:
1.ബസ്മതി അരി : ½kg
2.ചിക്കൻ: 1kg വലിയ കഷ്ണങ്ങളാക്കിയത്
3.കറുവപട്ട : 2 ഇഞ്ച്
4.ഗ്രാമ്പൂ : 6 എണ്ണം
5.തക്കോലം:1
6.ജാതിപത്രി : 1
7 പെരുംജീരകം :½ ടീസ്പൂൺ
8.പച്ച മല്ലി :1 ടീസ്പൂൺ
9.വഴനയില :1എണ്ണം
10.ഏലക്കായ :2 എണ്ണം
11.തക്കാളി: 2 വലുത് + 1 വലുത്
12.സവാള :1 വലുത്
13.പച്ചമുളക്: 2 എണ്ണം
14.കറിവേപ്പില: 2 തണ്ട്
15.മല്ലിയില: കുറച്ച്
16.നെയ്യ് : 3ടേബിൾസ്പൂൺ
17.പാമോയിൽ /: 2 ടേബിൾസ്പൂൺ
18. മഞ്ഞൾ പൊടി: ½ ടേബിൾസ്പൂൺ
19.കുരുമുളക് പൊടി: 1 ടീസ്പൂൺ
20.നാരങ്ങയുടെ തൊലി: 1 ടേബിൾസ്പൂൺ
21.നാരങ്ങ നീര് : 2 ടീസ്പൂൺ
22.വെള്ളം : ആവശൃത്തിന്
23.ഉപ്പ് : ആവശൃത്തിന്
24.അണ്ടിപരിപ്പ് : 2 ടേബിൾസ്പൂൺ
25.ഉണക്കമുന്തിരി: 1 ടേബിൾസ്പൂൺ
26. കാരറ്റ് : 1 എണ്ണം

3 മുതൽ 8 വരെയുള്ള ചേരുവകൾ ചെറുചൂടിൽ നന്നായി വറുക്കുക.ഓഫ് ചെയ്തതിനു ശേഷം മഞ്ഞൾ പൊടി, കുരുമുളക് പൊടി ചേർത്ത് ഇളക്കുക.മിക്സിയിൽ പൊടിക്കുക.കുക്കറിൽ നെയ്യ് ഒഴിച്ച് അണ്ടിപരിപ്പ്, ഉണക്കമുന്തിരി വറുത്ത് മാറ്റി വെക്കുക.ഈ നെയ്യിലേക്ക് പാമോയിൽ/ഒലിവോയിൽ ഒഴിച്ച് സവാള,കാരറ്റ്,1 തക്കാളി കഷ്ണങ്ങളാക്കിയത്,2 തക്കാളി അരച്ചത് ,ഇഞ്ചി വെളുത്തുള്ളി പേസ്റ്റ് ഏലക്കായ,വഴനയില ചേർത്ത് വഴറ്റുക. ഇതിലേക്ക് പൊടിച്ച് വെച്ചിരിക്കുന്ന മസാലകൾ ചേർത്ത് വഴറ്റി ചിക്കനും ചേർക്കുക. ½ ഗ്ലാസ് വെള്ളം ഒഴിക്കുക ഉപ്പും 1ടീസ്പൂൺ നാരങ്ങ നീരും ചേർത്ത് 5 വിസിൽ വരുമ്പോൾ ഓഫ് ചെയ്യുക.ഇതിലെ വെള്ളം അളന്നു നോക്കുക.കുക്കർ തുറന്ന് കഴുകി വെള്ളംവാർത്ത അരി,കറിവേപ്പില,മല്ലിയില,നാരങ്ങനീര്ചേർക്കുക.ഇറച്ചി വെന്ത വെള്ളവും കൂടി ചേർത്ത് വേണം അരിയ്ക്ക് വേണ്ട വെള്ളം കണക്കാക്കാൻ. ഇരട്ടി വെള്ളത്തിൽ കുറച്ച് കുറവ് മതിയാകും.ഫുൾ ഫ്ളേമിൽ 2 വിസിൽ വരുമ്പോൾ ഓഫ് ചെയ്ത് . ആവി പോയതിനു ശേഷം തുറന്ന് മിക്സ് ചെയ്യുക അണ്ടിപരിപ്പ് ഉണക്കമുന്തിരി ഇട്ട് അലങ്കരിക്കാം.

NB: മസാലയിൽ ചേർത്തവയുടെ ഗുണനിലവാരമനുസരിച്ച് അളവിൽ വ്യത്യാസമുണ്ടായിരിക്കും.മസാല, എരുവ് ഉപ്പ് എന്നിവ യുടെ അളവ് താല്പര്യത്തിനനുസരിച്ച് മാറ്റാവുന്നതാണ്. ഡ്രെെ ലെമൺ , ചിക്കൻ സ്റ്റോക്ക് ക്യൂബ് കിട്ടുന്നവർക്ക് അത് ഉപയോഗിക്കാം.നാരങ്ങയുടെ തൊലി എടുക്കുമ്പോൾ അതിന്റെ വെള്ള ഭാഗം ഒഴിവാക്കി പുറം തൊലി മാത്രം എടുക്കുക. ഉണ്ടാക്കിയതിനു ശേഷം അഭിപ്രായം അറിയിക്കുമല്ലോ..

ഫേസ്ബുക്ക് പേജ് പോസ്റ്റ്‌ വായിക്കുക