ചക്ക അട ( Ada With Jack Fruit)
2016-03-17- Servings: അതെ
- Ready In: 1m
Average Member Rating
(5 / 5)
2 People rated this recipe
കുറച്ച് ചക്ക കിട്ടി, ചക്ക അട കഴിച്ചിട്ട് കുറെ ആയതിനാൽ എന്നാ പിന്നെ അട ഉണ്ടാക്കാം ന്നു കരുതി ,അപ്പൊ നമ്മുക്ക് തുടങ്ങാം.
Ingredients
- അരിപൊടി - 1.5 കപ്പ്
- നന്നായി പഴുത്ത ചക്ക ചുള കുരുകളഞത് - 2 കപ്പ്( കൂടുതൽ വേണെൽ എടുക്കാം)
- ശർക്കര -1 കപ്പ് ( ചക്കയുടെ മധുരം അനുസരിച്ച് കൂട്ടുകയൊ,കുറക്കുകയൊ ചെയ്യാം)
- ഏലക്കാപൊടി -1 റ്റീസ്പൂൺ
- ജീരകപൊടി -1/4 റ്റീസ്പൂൺ ( optional)
- നെയ്യ് - 2 റ്റീസ്പൂൺ (optional)
Method
Step 1
ശർക്കര ഉരുക്കി പാനിയാക്കി എടുക്കാം,അല്ലെങ്കിൽ പൊടിച്ച് എടുതാൽ മതിയാകും.
Step 2
ചക്ക വരിക്ക ചക്കയൊ, കൂഴ ചക്കയൊ എടുക്കാം.ചെറുതായി അരിഞ് എടുക്കാം.അല്ലെങ്കിൽ കൈ കൊണ്ട് നന്നായി ഞെരുടി ഉടച്ച് എടുക്കാം.
Step 3
ഇനി അരിപൊടി, ശർക്കര, ചക്ക , ഏലക്കാപൊടി, ജീരകപൊടി,നെയ്യ് ഇവ എല്ലാം കൂടെ നന്നായി മിക്സ് ചെയ്ത് ചെറു ചൂടു വെള്ളത്തിൽ കുഴക്കുക. ഇടിയപ്പ മാവിനെക്കാളും കുറച്ച് കൂടി ലൂസ് ആയിട്ട് വേണം കുഴക്കാൻ
Step 4
1 -2 മണികൂർ മാവു മാറ്റി വക്കുക.
Step 5
ശെഷം കുറെശ്ശെ മാവു എടുത്ത് എടനയില (കറുക ഇല ,ഫോട്ടൊയിൽ കാണുന്നത്),യിലൊ അല്ലെങ്കിൽ വാഴയിലയിലൊ വച്ച് ചെറുതായി പരത്തി ,മടക്കി അപ്പചെമ്പിൽ വച്ച് ആവി കയറ്റി വേവിച്ച് എടുക്കുക.
Step 6
എടനയില യിൽ ചെയ്താൽ നല്ല ഒരു ഫ്ലെവർ കിട്ടും, നല്ല മണവും അടിപൊളി രുചിയും ആയിരിക്കും അടക്ക്.
Step 7
ഇനി ഇങനെ അല്ലാതെ ചക്ക ,ശർക്കര ചേർത്ത് വരട്ടി ,ഇലയിൽ മാവു വച്ച് പരത്തി ,നടുക്ക് ചക്ക വരട്ടിയ മിശ്രിതം വച്ചും അട ഉണ്ടാക്കാം.ഇല കുമ്പിളുകുത്തി അതിൽ മാവു നിറച്ച് വേവിച്ചും എടുക്കാം.
Step 8
അപ്പൊ ചക്ക അട തയ്യാർ .എല്ലാരും ഉണ്ടാക്കി നോക്കണം ട്ടൊ.