മിക്സഡ് ഫ്രൂട്ട് ജാം(Mixed Fruit Jam)

2015-12-30
  • Servings: അതെ
  • Ready In: 45m

കുറെ കൂട്ടുകാർ മിക്സഡ് ഫ്രൂട്ട് ജാം ഉണ്ടാക്കുന്ന എങ്ങനെ ആണെന്ന് ചോദിച്ചിരുന്നു.അപ്പൊ ഇതുവരെ മിക്സഡ് ജാം ഒന്ന് ചെയ്തു നോക്കിട്ടില്ലായിരുന്നു, അങ്ങനെ ഒന്ന് ചെയ്തു നോക്കി. നന്നായി വരുകെം ചെയ്തു. അപ്പൊ റെസിപ്പി ഇതാ പിടിച്ചൊ

Ingredients

  • ആപ്പിൾ തൊലി കളഞ്ഞ് ചെറുതായി അരിഞ്ഞത്- 1 റ്റീകപ്പ്
  • പൈനാപ്പിൾ അരിഞത്- 1 റ്റീകപ്പ്
  • പഴം അരിഞത്-1 റ്റീകപ്പ്
  • സീഡ് ലെസ്സ് കറുത്ത മുന്തിരി - 1 റ്റീകപ്പ്
  • സ്ട്രൊബെറി അരിഞത്- 6 എണ്ണം
  • തണ്ണി മത്തൻ കുരു കളഞ്ഞ് അരിഞ്ഞത്-1 റ്റീ കപ്പ്
  • ഓറഞ്ച് തൊലിയും കുരുവും കളഞത് -1 എണ്ണം
  • പപ്പായ പഴുത്തത് അരിഞത്-1 റ്റീ കപ്പ്
  • പഞ്ചസാര. - 4- 5 റ്റീകപ്പ്
  • നാരങ്ങാ നീരു- 3 റ്റീസ്പൂൺ
  • റെഡ് കളർ. - 3 തുള്ളി ( കളർ കുറച്ച് മതിയെങ്കിൽ ഒഴിവാക്കാം)

Method

Step 1

ഫ്രൂട്ട്സ് എല്ലാം മിക്സിയിലിട്ട് നന്നായി അരച്ച് പൾപ്പ് ആക്കി എടുക്കുക. തരി ഇല്ലാതെ അരച്ച് എടുക്കുക. റെഡ് കളർ ചേർത്ത് ഇളക്കി വക്കുക

Step 2

പാൻ അടുപ്പത് വച്ച് ഫ്രൂട്ട് പൾപ്പ് ഒഴിച്ച് പഞ്ചസാരയും കൂടി ചേർത്ത് ഇളക്കി കൊണ്ടിരിക്കുക.നന്നായി ഇളക്കി കുറച്ച് കഴിയുമ്പോൾ പഞ്ചസാര അലിയാൻ തുടങ്ങും

Step 3

പഞ്ചസാര നന്നായി അലിഞ്ഞ് കുറുകി ജാം പരുവം ആകാനാകുമ്പോൾ നാരങ്ങാനീരു കൂടി ചേർത്ത് ഇളക്കുക.നന്നായി ഇളക്കി കുറുകി ജാം പരുവം ആകുമ്പോൾ തീ ഓഫ് ചെയ്യാം.കുറച്ച് ലൂസായ പരുവത്തിൽ തന്നെ തീ ഓഫ് ചെയ്യണം. കട്ടി ആകാൻ നിൽക്കരുത്.

Step 4

അല്ലെങ്കിൽ തണുക്കുമ്പോൾ കൂടുതൽ കട്ടി ആകും

Step 5

നന്നായി തണുത്ത ശേഷം കുപ്പിയിലാക്കി സൂക്ഷിക്കാം. ആ അപ്പൊ മിക്സഡ് ഫ്രൂട്ട് ജാം റെഡി.

Comment (1)

  1. posted by SINDHU on February 1, 2016

    പഴം ഏതാണെന്ന് പറഞ്ഞില്ല.

      Reply

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.