Loader

ചിക്കൻ കൊണ്ടാട്ടം (Chicken Kondattam)

By : | 0 Comments | On : January 16, 2017 | Category : ഫേസ്ബുക്ക് പോസ്റ്റുകള്‍

ചിക്കൻ കൊണ്ടാട്ടം

തയ്യാറാക്കിയത്:- സോണിയ അലി

ആവശ്യമുള്ള സാധനങ്ങൾ

ചിക്കൻ – 250ഗ്രാം
കോഴിമുട്ട-1
വെളുത്തുള്ളി ,ഇഞ്ചി പേസ്റ്റ് -1ടീസ്പൂൺ
മുളകുപൊടി -2ടീസ്പൂൺ
മഞ്ഞൾ പൊടി -അര ടീസ്പൂൺ
മല്ലിപൊടി -അര ടീസ്പൂൺ
ചിക്കൻ മസാല പൌഡർ -അര ടീസ്പൂൺ
ഉപ്പ്‌ -പാകത്തിന്
ഇഞ്ചി -വെളുത്തുള്ളി പേസ്റ്റ് -1ടീസ്പൂൺ
ഇഞ്ചി ,വെളുത്തുള്ളി അരിഞ്ഞത് -3 ടീസ്പൂൺ
പച്ചമുളക് അരിഞ്ഞത് -5 എണ്ണം
സവാള കൊത്തി അരിഞ്ഞത് – 1 വലുത്
അരിപ്പൊടി- 2ടീസ്പൂൺ
കോണ്ഫ്ലോർ -ഒന്നര ടീസ്പൂൺ
ചെറുനാരങ്ങാ -പകുതി
വെളിച്ചെണ്ണ -ആവശ്യത്തിന്
വറ്റൽമുളക് – 3ടേബിൾ സ്പൂൺ
സോയ സോസ് -ഹാഫ് ടീസ്പൂൺ
ടൊമാറ്റോ സോസ് -3ടീസ്പൂൺ
വെള്ളം -ആവശ്യമെങ്കിൽ 4 ടേബിൾ സ്പൂൺ
മല്ലിയില പൊടിയായി അരിഞ്ഞത് -ആവശ്യത്തിന്

ഉണ്ടാക്കുന്ന വിധം

ഒരു ബൗളിലേക്കു കോഴിമുട്ട പൊട്ടിച്ചു സ്പൂൺ കൊണ്ട് പതപ്പിക്കുക.

ഇതിലേക്ക് അരിപ്പൊടി ,കോണ്ഫ്ലോർ ,മുളകുപൊടി,മഞ്ഞൾപ്പൊടി ,മല്ലിപ്പൊടി,ചിക്കൻ പൌഡർ,ഉപ്പ് ,ഇഞ്ചി -വെളുത്തുള്ളി പേസ്റ്റ് എന്നിവ കൈ കൊണ്ട് യോജിപ്പിക്കുക.

ഇതിലേക്ക് കഴുകി വാർത്തു
വെച്ച ചിക്കൻ കഷ്ണങ്ങൾ കൂട്ടിച്ചേർത്തു നല്ലപ്പോലെ മസാല ചേർത്ത് പിടിപ്പിക്കുക.

ശേഷം പകുതി ചെറുനാരങ്ങാ പിഴിഞ്ഞ് ചേർത്ത് 15മിനുറ്റ് മാറ്റി വെക്കാം.

ചുവടുക്കട്ടിയുള്ള മറ്റൊരു പാത്രത്തിൽ ഇതിലേക്കുള്ള മസാല തയ്യാറാക്കാം .

പാത്രം ചൂടാവുമ്പോൾ ഒന്നര ടീസ്പൂൺ വെളിച്ചെണ്ണ ഒഴിച്ച് ഇഞ്ചി ചെറുതായി മുറിച്ചത് ചേർത്ത് വഴറ്റുക..പിന്നെ വെളുത്തുള്ളിയും,പച്ചമുളക് അരിഞ്ഞതും ..

ഇത് മൂന്നും മൂത്ത മണം വന്നു കഴിഞ്ഞാൽ സവാള കുനുകുനെ അരിഞ്ഞതും ചേർത്ത് വഴറ്റുക.അല്പം ഉപ്പും കൂടി ചേർക്കാം പെട്ടെന്ന് വഴണ്ട് വരും.

ഈ സമയം വേറൊരു പാനിൽ വെളിച്ചെണ്ണ ഒഴിച്ച് ചിക്കൻ വറുത്തെടുക്കുക.

ഈ ഫ്രൈ ചെയ്ത ചിക്കൻ സവാള വഴറ്റിയ കൂട്ടിലേക്ക്‌ ചേർക്കാം.

വറ്റൽമുളക് ക്രഷ് ചെയ്തത് ഇതിലേക്ക് ചേർക്കാം.ടൊമാറ്റോ സോസ്,സോയ സോസ് എന്നിവകൂടി ചേർത്ത് നല്ല പോലെ മിക്സ് ചെയ്തു മൊരിചെടുക്കുക .

ആവശ്യമെങ്കിൽ അല്പം വെള്ളം ചേർക്കാം.
മല്ലിയില അരിഞ്ഞത് ഇതിനു മുകളിൽ വിതറുക.ചൂടോടെ തന്നെ സെർവ് ചെയ്യാം …..

ഫേസ്ബുക്ക് പേജ് പോസ്റ്റ്‌ വായിക്കുക

    Leave a Reply

    Your email address will not be published.